Toshkent, O‘zbekiston (UzDaily.uz) — 2025 yil 25 may kuni O‘zbekiston Respublikasi tashqi ishlar vaziri Bahtiyor Saidov Pokiston Islom Respublikasi Bosh vaziri o‘rinbosari — tashqi ishlar vaziri Muhammad Isʼhoq Dar bilan telefon orqali muloqot o‘tkazdi.

Suhbat davomida tomonlar O‘zbekiston va Pokiston o‘rtasidagi strategik sheriklikni mustahkamlashga sodiq ekanliklarini tasdiqladilar, shuningdek, oliy darajada erishilgan kelishuvlarni o‘z vaqtida amalga oshirish uchun ikki mamlakat tashqi siyosiy idoralari o‘rtasida yaqin muvofiqlashuv muhimligini taʼkidladilar.

Muloqot chog‘ida ikki tomonlama hamkorlikning ustuvor yo‘nalishlari muhokama etildi. Jumladan:

o‘zaro savdo hajmini kengaytirish,

transport va logistika infratuzilmasini rivojlantirish,

O‘zbekiston–Afg‘oniston–Pokiston temir yo‘l loyihasini amalga oshirish masalalari ko‘rib chiqildi.

Mazkur loyiha mintaqaviy o‘zaro bog‘liqlikni taʼminlashda strategik ahamiyatga ega ekani qayd etildi.