Toshkent, O‘zbekiston (UzDaily.uz) — O‘zbekiston Respublikasi Markaziy banki tomonidan «Tijorat banklarining bank xizmatlari isteʼmolchilari bilan o‘zaro munosabatlaridagi faoliyatiga qo‘yiladigan minimal talablar to‘g‘risidagi Nizom»ga o‘zgartish va qo‘shimchalar kiritish bo‘yicha loyiha tayyorlandi. Hujjat regulation.adliya.uz portalida jamoatchilik muhokamasi uchun joylashtirilgan.

Taklif etilayotgan yangiliklar isteʼmolchilarning huquqlarini kuchaytirish, bank faoliyatida ochiqlikni taʼminlash va kreditlash sohasida nopok amaliyotlarning oldini olishga qaratilgan.

Jumladan, loyihada quyidagilar nazarda tutilgan:

Kredit kartalari shartlari bo‘yicha mijozlarga to‘liq va ishonchli maʼlumot taqdim etish, hamda turli banklar takliflarini solishtirish imkonini beruvchi standart «Maʼlumot varaqasi» shaklini joriy etish.

Kredit shartnomalarida qarz oluvchini hisobida maʼlum miqdordagi mablag‘ni saqlash yoki aylanma mablag‘ni taʼminlash majburiyatini nazarda tutuvchi shartlarni kiritishni taqiqlash.

Kredit so‘rovi qabul qilingani haqida mijozga SMS orqali xabardor qilish majburiyati.

Garov mol-mulkini almashtirish yoki chiqarish jarayonlarini shaffof qilish, qoldiq asosiy qarz summasiga qarab.

Subrogatsiya qo‘llanilganda kreditor huquqlarining sug‘urta tashkilotiga o‘tishi haqida qarz oluvchini xabardor qilish.

Kredit to‘liq qaytarilgandan so‘ng, tomonlar kelishgan taqdirda va amaldagi qonunchilikka zid bo‘lmagan holda garov mol-mulkini sudsiz sotish imkoniyatini nazarda tutish.

Ushbu loyiha banklarning faoliyatida shaffoflik va hisobdorlikni oshirish, qarz oluvchilar manfaatlarini himoya qilish va moliyaviy xizmatlar bozorida adolatli shart-sharoitlarni shakllantirishga qaratilgan.